DR. MARTENS

As botas Dr. Martens son uns dos zapatos que se asocian de forma habitual ao Made in England, tanto é así que aínda hoxe fabrican nunha pequena fábrica británica e de forma artesanal algúns modelos retro das botas e algunhas edicións especiais. E a pesar de que as botas Dr. Martens son asociadas rapidamente a todo o british, en realidade teñen unhas orixes un pouco máis amplas e que tocan a máis países europeos.

Detrás das botas está un médico alemán, Klaus Märtens, que descubriu un modo de facer unhas botas máis cómodas despois de torcer un nocello nos anos 40. As súas botas fixéronse populares e unha década máis tarde eran fabricadas de forma masiva en Munich. O médico alemán asociouse cos Griggs, fabricantes británicos de calzado, e as botas empezaron a fabricarse en Gran Bretaña, onde foron un éxito e dende onde deron o salto ao mercado global. Primeiro foron moi populares entre os traballadores que tiñan que pasar moitas horas de pé, porque eran moi cómodas e confortables, e logo entre os mozos, converténdose nunhas botas urbanas.

Na actualidade, as botas son unhas das máis populares do mundo e unhas das máis usadas por aqueles que buscan tendencia e comodidade.  Aos modelos tradicionais de botas Dr. Martens, sumáronselle zapatos baixos, botíns ou modelos de charol ou con estampados diferentes. Ademais, Dr. Martens conta tamén con liñas especiais, como poden ser liñas de calzado vegano.

Na tenda online poderás atopar modelos de zapatos Dr. Martens tanto para home como para muller.